Ausgezeechent mam Spezialpräis, wäert d‘Diane Heirend iwwert hir Aarbecht „Réparer la Villa Kutter“ diskutéieren. Dëst ikonescht Haus, dat 1929 vum Hubert Schumacher fir de Moler Joseph Kutter gebaut ginn ass, gëtt als éischt modernistescht Gebai zu Lëtzebuerg ugesinn. D'Verëffentlechung vum Buch weist d’Démarchen vun der Restauratioun, der Fuerschung, der Dokumentatioun a vum ëffentlechen Engagement vun dësem Projet.

D‘Céline Zimmer wäert fir hiren Deel „Our New Housing – An Invitation to Cooperate“ presentéieren, eng Aarbecht, déi fir hiren Impakt an hire Bäitrag zur Debatt iwwer zäitgenëssesch Wunnmodeller ausgezeechent gouf. Baséiert op hirer Doktoratsaarbecht ënnersicht Si wéi architektonesch Fuerschung aktuell gesellschaftlech Theme beliichte kann a fënnt nei Weeër hiert Wëssen duerch Ausstellunge, mat der Allgemengheet ze deelen.

Dëst Mëttes-Treffen ass eng Geleeënheet, mat deenen zwou Präisgewënnerinnen iwwert hir jeeweileg Approchen an déi verschidde Weeër ze diskutéieren, wéi Architektur erfuerscht, dokumentéiert a mam Public gedeelt ka ginn.

• Programm
  • 12h00 : Accueil
  • 12h30 : Presentatiounen
  • 13h00 : Q&A
  • 13h15 : Mëttegiessen
• Sprooch : Lëtzebuergesch
• Optional e klengt Mëttegiessen fir 20€
• Gratis, Umeldung obligatoresch

Organiséiert am Kader vum Luxembourg Architecture Award 2026.